عزاه ليت الصبر يشرى والله انـي لشتريـه
وياطي حالي من غرابيـل الزمـان وطيتـه
اثر الهوى يخلي الرجال ينسى امـه وابيـه
الا بـري حالـه وعزيلـه وممحـق نيتـه
يصد عن بعض الوجيه ويشكي لبعض الوجيه
لاهل دمعـه عنـد خلـق الله وربـي بيتـه
ياليتهم يدرون باللـي فـي فـوادي كلّبيـه
كان اعذروني واتركو قلبـي علـى سجيتـه
(مجنون خلقه ) وابتلاني واحدٍ حسبي عليـه
جنيتـي مـن يـوم شفتـه عانقـت جنيتـه
شرع بقلبي من يسار وقام يسحـب مايليـه
لرتحت من شلفاه شفت الموت مـن جنبيتـه
الله مسخّرني كذا والقلب فـي راحـة يديـه
قلبي معه بشهـود ومعـرّف علـى ملكيّتـه
ماغيراراقـب طلعتـه واقـول يالله تهديـه
عساه ياقـع فـي محابيـل الغـرام وخيتـه
امشي معه كني سفيه وارجع معه كني سفيـه
الله معنينـي معـه مـن بيـتـه لكليّـتـه
لاشفت زوله من بعيد وكل شبحي لـد فيـه
كنه يقول اني بامـوت ولا عَبـر محميتـه
انشهد انـه فالحـلا والملـح مامثلـه شبيـه
كن الحلا في معصمه والملـح فـي كفيّتـه
ابيه من قلبـي ابيـه وكـل مافينـي يبيـه
لخطيت من حسناه راضي لو تجينـي سيتـه
لو المطالب بالتمني دون كيـف ودون ليـه
كـم واحـدٍ لامـن طلـب تحققـت امنيتـه
ياليت لـه اخٍ صغيّـر واتعذربـه واجيـه
لاقال وش عندك هنا طلعـت لـه عيديتـه
والله لعزّه وان تعثر قلـت بسـم الله عليـه
ماهو لجل عين الصبي لجل عيـون اخيّتـه
الشاعر... سالم بن جخير
موضوع: ياليت له أخ صغير....!! 
السبت مارس 29, 2008 12:06 pm
